5 գործողություն ամեն օր, որոնք կրկնակի կմեծացնեն վաճառքները

Comments are off for this post

timthumb (2)

Ինչպես ցանկացած այլ ոլորտում, մարքեթինգում նույնպես հետևողականությունն ու միևնույն գործողությունների պարբերական կրկնությունը արդյունավետության հասնելու կարևոր նախապայմաններից են: Ստորև մեր ներկայացրածն ավելի շատ ոչ թե մարքեթինգային գործիք է, այլ մարքեթինգային վարժություն, որի ամենօրյա կրկնությունը մեծ արդյունավետություն է երաշխավորում ու օգնելու է «ֆորմայի մեջ» մնալ:
5 մարքեթինգային գործողությունները ենթադրում են ամենօրյա հետևյալ քայլերի իրականացում.

1. 5 գործող հաճախորդին անձամբ նամակ գրել, և շնորհակալություն հայտնել արդյունավետ համագործակցության համար: Ցանկալի է նամակը լինի թղթե և ուղղված գործընկեր ընկերության որոշում կայացնող մարդուն, բայց եթե թղթե նամակ ուղարկելը խնդիր է, կարելի է նաև էլեկտրոնային տարբերակով ուղարկել: Նման վերաբերմունքը կօգնի ջերմ հարաբերություններ պահպանել ներկա հաճախորդների հետ և նրանց միջոցով գրավել նոր հաճախորդների: Ինչպես նաև հարցրեք, թե ինչ կարելի է անել, համագործակցությունն առավել արդյունավետ ու որակյալ դարձնելու համար, ինչ նոր ծառայությունների կարիք ունեն, որոնք կարող եք տրամադրել:

2. Զանգահարեք 5 հաճախորդի, ովքեր արդեն Ձեզ չեն դիմում, և հարցրեք չհամագործակցելու պատճառները: Ինչպես նաև նրանց այնպիսի առաջարկ արեք, որից հրաժարվելն անիմաստ լինի:

3. Զանգահարեք 5 պոտենցիալ հաճախորդի և նրանց առաջարկեք ինչ-որ անվճար ծառայություն կամ ապրանք: Այս փուլում ոչինչ մի վաճառեք: Անվճար ապրանքը կարող է լինել հետաքրքիր գիրք Ձեր թեմայի հետ կապված, տեղեկատվական փաթեթ, Ձեր ապրանքից մի օրինակ կամ նմանատիպ ցանկացած այլ ապրանք կամ ծառայություն: Այս գործողությունը նպատակ ունի «տաքացնել» պոտեցնիալ հաճախորդներին:

4. Պոտենցիալ հաճախորդների ցուցակն ավելացնել ևս 5 հաճախորդի տվյալներով, որպեսզի հաջորդ օրը զանգահարեք բոլորին ու առաջարկեք Ձեր անվճար նվերը: Փորձեք ուսումնասիրել պոտենցիալ հաճախորդներին:

5. Զանգահարել 5 «տաք» հաճախորդի ու հանդիպում առաջարկել նրանց հետ: Այս դեպքում հաճախորդը դարձել է «տաք» քանի որ արդեն իրանց զանգահարել և ինչ-որ անվճար ծառայություն եք առաջարկել: Ցանկալի է այս փուլում զանգահարել ամենաքիչը մեկ ամիս առաջ զանգահարած պոտենցիալ հաճախորդներին, որոնց անվճար ծառայություն եք առաջարկել 4-րդ կետի հետ համաձայն:

Եթե մարքեթոլոգ եք, վաճառքների մասնագետ կամ ընկերության ղեկավար, ապա ամեն օր երկու ժամ տրամադրեք վերոնշյալ 5 գործողություններին և ամիսների ընթացքում կտեսնեք Ձեր ընկերության աճն ու վաճառքների ավելացումը:

Մարքեթինգային այլ գործիքների մասին Չոր մարքեթինգ սեմինարների ընթացքում կամ համանուն գրքում:

Վահրամ Միրաքյան
ggTaxi-ի օպերացիոն գծով տնօրեն,
ԵՊՀ դասախոս

Facebook Comments

Comments are closed.

Լավագույն մարքեթինգային հոդվածները
Ձեր էլ․հասցեին
Ձեր տեղեկատվությունը երբեք չի տրամադրվի երրորդ անձի: